Ծանոթությունների բազմաթիվ ծառայություններ են գործում: Revearl-ի մշակողները iPhone-ի համար նոր հավելում են ստեղծել, որը ձայնի օգնությամբ կգտնի ձեր երկրորդ կեսին:  Revearl-ից օգտվելու համար հարկավոր է մտնել Facebook, պրոֆիլ ստեղծել, լուսանկար ներբեռնել և այլն: Նման ֆունկցիաներ են գործում նաև ծանոթությունների շատ կայքերում:  Սակայն Revearl-ը մեկ առանձնահատկություն ունի. ծառայությունն առաջարկում է 20 վայրկյանների ընթացքում ձայնագրման միջոցով ներկայացնել ինքն իրեն: Հենց այս ձայնագրությունը մարդուն կներկայացնի սերվիսում:  Հավելման հեղինակները կարծում են, որ ծանոթության ժամանակ արտաքին տվյալները կարևոր են, սակայն տեղադրված լուսանկարները հաճախ չեն արտահայտում մարդու իրական դեմքը: Ավելի հաճախ մեզ հեշտ է մարդուն ձայնի միջոցով ընկալել: Հավելումը հնարավոր է անվճար ներբեռնել App Store-ում, գրում է hitech.vesti.ru-ն: