Մեքքա քաղաքի ոստիկանությունը ձերբակալել է Սաուդյան Արաբիայի 49-ամյա մի քաղաքացու այն բանից հետո, երբ պարզել է, որ նա ցանկանում է ազգությամբ հրեա հարսնացու գտնել:  Քաղաքացուն, ում անունը գաղտի է պահվում, ձերբակալել են Մեքքայի Մեծ մզկիթի մոտակայքում: Ոստիկանության մամլո ծառայությունը հայտարարել է, որ կասկածյալի մոտ հայտնաբերվել են փաստաթղթեր, որոնք միանշանակորեն ապացուցում են, որ նա ցանկացել է ամուսնանալ հրեա կնոջ հետ:  Այժմ քաղաքացին գտնվում է բանտում և շուտով կանգնելու է դատարանի առջև, սակայն չի նշվում, թե ինչ մեղադրանք են առաջադրելու նրան: Ոստիկանությունը կասկածում է, որ տղամարդը «հոգեկան խանգարումներ» ունի: Նրան կարող են հատուկ բժշկական ստուգման ուղարկել: