Ավստրալիայի 28-ամյա բնակիչներ Աննա եւ Լյուսի ԴեՍինքերը պլաստիկ վիրահատության են դիմել, որպեսզի մեկը մյուսի հայելու արտացոլանքը լինի։ Շատ հաճախ երկվորյակները փորձում են ցույց տալ, որ իրենք տարբեր են, բայց այս դեպքում հակառակն է։  Աղջիկները պլաստիկ վիրահատությունների շարք են կատարել, միեւնույն զգեստապահարանն են ստեղծել, նույնիսկ երկուսի համար մեկ ընկեր գտել: Եվ սա դեռ ամբողջ ցանկը չէ։ Քույրերը Facebook-ում մեկ ընդհանուր էջ ունեն, ավտոմեքենա, տուն, աշխատանք։  Նրանք կրծքի իմպլանտներ են դրել, այտոսկրեր, հոնքերի դաջվածք արել եւ մեծացրել շրթունքները։ Որպեսզի կազմվածքը նույնը լինի, աղջիկները նույն սննդակարգին են հետեւում եւ նույն մարզումներն անում։ Ընդհանուր առմամբ, ԴեՍինք քույրերն արտաքին բացարձակ նմանության համար 200.000 դոլար են ծախսել։