Սահմանադրական փոփոխությունների դեմ պայքարող «Նոր Հայաստան» հանրային փրկության ճակատի՝ Ազատության հրապարակում հրավիրված շուրջօրյա նստացույցի առաջին գիշերը խաղաղ է անցել: Այս մասին NEWS.am-ի թղթակցին ասաց ճակատի անդամ, «Հիմնադիր խորհրդարանի» ներկայացուցիչ Գեւորգ Սաֆարյանը: «Մոտ 2 տասնյակ մարդ է մնացել գիշերը, հանգիստ է անցել, ոստիկանների հետ որեւէ խնդիր չի եղել»,- ասաց Գեւորգ Սաֆարյանը: Նշենք, որ «Ժառանգության» առաջնորդ Րաֆֆի Հովհաննիսյանն ու «Հիմնադիր խորհրդարանի» ներկայացուցիչ Ժիրայր Սեֆիլյանը չեն գիշերել Ազատության հրապարակում: Այսօր երեկոյան ժամը 18:00-ին կրկին կլինի հանրահավաք, որին կհաջորդի երթ: