Վերջերս թողարկված iOS 9 օպերացիոն համակարգում հայտնաբերվել է լուրջ բացթողում, որը թույլ է տալիս շրջանցել արգելափակման էկրանը և առանց կոդը հավաքելու տեսնել  կոնտակտները կամ լուսանկարները: Դա անելու համար պետք է մի քանի անգամ սխալ հավաքել կոդը, այնուհետև Siri-ին հարցնել ընթացիկ ժամը և կատարել մի քանի պարզ գործողություններ:

Այս լուրջ բացթողումը կարող է չաշխատել միայն այն դեպքում, երբ արգելափակման էկրանի վրա անջատված է Siri օգնականը:  Հիշեցնեմ, որ մի քանի օր առաջ նմանատիպ բացթողում էին գտել նաև Android 5.0 և բարձր համակարգերի վրա:

 iOS 9 օպերացիոն համակարգը հասանելի է օգտատերերին ս.թ. սեպտեմբերի 16-ից: Այն ներառում է մի շարք նոր ֆունկցիաներ, որոնց մեծ մասը աշխատում են հատկապես նոր iPad-ների վրա: Այդ փոփոխություններին ծանոթանալու համար առաջարկում եմ դիտել այս հայերեն տեսահոլովակները: