Շաբաթ օրը Լոս Անջելեսից հյուսիս ընկած արվարձանում տեղի ունեցած ավտովթարից մահացել է ամերիկացի դերասան Փոլ Ուոքերը՝ հայտնում է TMZ.com կայքը:  Նա 40 տարեկան էր:  Ուոքերը նախևառաջ հայտնի էր «Ֆորսաժ» ֆիլմում Բրայան Օ՛Քոնների դերով:  Նախնական տեղեկատվությամբ՝ դերասանն անհայտ պատճառներով հավանաբար բախվել է ծառին, ինչից հետո նրա մեքենան այրվել է: Ավտոմեքենայում եղել է նաև ուղևոր:  Մամուլի հետ կապերի հարցերով Ուոքերի ներկայացուցիչը հաստատել է դերասանի մահը: Նրա խոսքով՝ Ուոքերը վերադառնալիս է եղել բարեգործական միջոցառումից: