Վերջերս տեղեկացա գումար վաստակելու մի հետաքրքիր մեթոդի մասին և ցանկանում եմ կիսվել ընթերցողների հետ: Այս մեթոդով կարող են աշխատել միայն այն մարդիկ, ովքեր ունեն ժամանակակից ու հզոր վիդեոքարտեր: Գումար վաստակելու համար անհրաժեշտ է ընդամենը համակարգչի մեջ տեղադրել և աշխատացնել հատուկ ծրագիր, որը Ձեր վիդեոքարտի հաշվին կատարում է Bitcoin ընկերությանն անհրաժեշտ հաշվարկներ և դրա փոխարեն վարձատրում է Ձեզ: Ժամանակակից և արագ համակարգիչների վրա կարող եք բացել ծրագիրը և այդ ընթացքում զբաղվել այլ գործերով, իսկ դանդաղ աշխատող համակարգիչների դեպքում ավելի լավ է ծրագրի աշխատանքի ընթացքում այլ գործողություններ չանել: Օրինակ կարող եք գիշերը բացել ծրագիրը ու թողնել, որպեսզի այն աշխատի ամբողջ հզորությամբ (հնարավոր է, որ վիդեոքարտը տաքանա, այնպես որ զգույշ եղեք ու ծրագիրը երկար ժամանակ բացած մի թողեք):  Վաստակած գումարը կարող եք փոխանցել WebMoney, Yandex.Money, QIWI, Payza և PayPal համակարգերի վրա:


Վաստակած գումարի չափը կախված է վիդեոքարտի հզորությունից: Ծրագրի կայքում նշված է, որ գերադասելի են ATI Radeon վիդեոքարտերը, սակայն NVIDIA և այլ վիդեոքարտեր ունեցողները նույնպես կարող են վաստակել այս ծրագրի միջոցով: