Միջադեպը տեղի է ունեցել Էփոլյուշ բնակավայրում: Չարագործին նկատել են ցանքադաշտի պահապանները, սակայն վերջինին հաջողվել է փախչել հանցագործության վայրից: Իսկ նրա տրյուֆելներ որոնելու համար վարժեցված շունը մնացել է հանցագործության վայրում:  Շան մաշկի տակ կարված միկրոչիպի վրա զետեղված տեղեկությունները իրավապահներին թույլ են տվել պարզել շան տիրոջը և ձերբակալել նրան: Հանցագործը լիովին ընդունել է իր մեղքը: Նրա դատը տեղի է ունենալու 2013 թ. հունվարին:  Նշենք, որ սև տրյուֆել սունկը համարվում է նրբաճաշակ  խորտիկ: Այդ սնկի մեկ կիլոգրամի արժեքը երբեմն գերազանցում է հազար եվրոն: