18-ամյա հնդկուհին ժառանգական հիանդությամբ է տառապում. նրա հասակը 62.8 սմ է: Բժիշկների կարծիքով, նա այլևս չի աճի: Ինչպես հաղորդում է բրիտանական The Daily Mail պարբերականը, սա Ջիոտի Ամգեի առաջին ռեկորդը չէ. 2009թ. նա ճանաչվել է աշխարհի ամենակարճահասակ դեռահասը:

«Ես շնորհակալ եմ ճակատագրին իմ կարճ հասակի համար: Չէ՞ որ եթե ես չլինեի այսքան փոքր, ես չէի կարողանա ճամփորդել Եվրոպայով, Ճապոնիայով և մոլորակի այլ հիասքանչ անկյուններով»,- ասում է հնդկուհին:

Մինչ Ամգեն աշխարհի ամենակարճահասակ կինը համարվում էր ամերիկուհի Բրիջեթ Ջորդանը, որի հասակը 70 սմ էր:

Պատմության մեջ ամենակարճահասակ կինը եղել է հոլանդուհի Փոլին Մաստերսը (1876-1895), որի հասակը 61 սմ էր: