Ժողովուրդ, նոր մի հատ հակասական լուր կարդացի։ Հլա որ հաստատ չի, բայց ոնց որ թե Արսենալն ուզում ա Հենրիխ Մխիթարյանին առնի, ինքն էլ ոչ ավել, ոչ պակաս 20 միլլիոն եվրոյով։ Եթե դա իրոք ճիշտ ա, ապա ունի ինչպես լավ, այնպես էլ ռիսկային կողմ։ 

Լավ կողմը. 

Հենոյին՝ աճելու համար իրոք պետք ա ավելի լավ թիմում խաղալ, իսկ Շախտյորը էս առումով արդեն իրան սպառել ա, զռռում ա, որ Հենոն մի երկու գլուխ բարձր ա ու հասել ա էն պատալոկին, որում կարելի էր հասնել Շախտյորում։ Այս առումով, Արսենալը շատ լավ տարբերակ ա ու կարա Հենոյին դարձնի համաշխարհային մասշտաբի ֆուտբոլիստ։ 

Վատ կողմը. 

Տենց ուժեղ թմերում ընդգրկվելը սովորաբար բերում ա նրան, որ ֆուտբոլիստները սկսում են ավելի վատ խաղալ հավաքականների կազմում, որովհետև մի կողմից հնարավորինս խուսափում են վնասվածք ստանալուց, իսկ մյուս կողմից, սկզբնական էտապում հաճախ կորցնում են ֆորման, որովհետև եթե ասենք նույն Հենեն նույն Շախտյորում միշտ մեկնարկային կազմում է հանդես գալիս, ապա ոչ մի գառանտիա չկա, որ Արդենալում իրան չեն պահի զամենների նստարանին, իսկ ֆուտբոլիստը պետք է խաղա, որպեսզի աճի, կամ աառնվազն հետընթաց չապրի։ 

Հուսով եմ, որ Հենոյին իրոք մեծ ապագա է սպասում ու հուսով եմ, որ անգամ Արսենալում ընդգրկվելու դեպքում, ռիսկային կողմը իրականության չի վերածվի։