Apple ընկերությունը Windows-սարքերի օգտատերերին առաջարկել է օգտվել գրասենյակային iWork հավելվածների փաթեթի առցանց գործող անվճար տարբերակից: Այս մասին հաղորդվում է «Лента»-ն՝ հղում կատարելով Apple-ի կայքին: Յուրաքանչյուր օգտատեր, ով ցանկացած սարքից Apple ID հաշիվ է բացել iCloud կայքում, այժմ կարող է անվճար օգտվել Pages, Numbers եւ Keynote ծրագրերից, նույնիսկ եթե նա չունի Apple սարք: Փաստաթղթերը, որոնք ստեղծվում են ծրագրերում, համատեղելի են Microsoft Office-ի ձեւաչափերի հետ: iWork-ի շնորհիվ Apple-ը կփորձի գրավել Microsoft-ի օգտատերերի մասին, որովհետեւ Office 365 ծառայությանը բաժանորդագրվելը վճարովի է: Սկզբում iWork հավելվածները վճարովի էին եւ Office-ի նման վաճառվում էին տուփերով: Սակայն ծրագիրը այժմ անվճար է Apple-ի նոր սարքերի գնորդների համար: Microsoft-ը աստիճանաբար նվազեցնում է Office-ի արժեքը եւ առաջարկում է բաժանորդագրման տարբեր հնարավորություններ, սակայն ծրագիրը շարունակում է վճարովի մնալ: