Գերմանական Իբբենբյուրեն քաղաքի ոստիկանություն է զանգահարել քաղաքացիներից մեկը և հայտնել, որ հարևան բնակարանից օգնության «մայրիկ, հայրիկ եկեք» մանկական ճիչեր են լսվում: Ընդ որում ահազանգողը նշել է, որ արդեն երկու օր է, ինչ այդ բնակարանում  լռություն է տիրել:   Իրավապահներն անհապաղ մեկնել են դեպքի վայր: Երբ նրանք սեղմել են տան զանգի կոճակը, նրանց ոչ ոք չի պատասխանել, սակայն ոստիկանները հստակորեն լսել են օգնության կանչեր:   Ինչպիսին է եղել իրավապահների զարմանքը, երբ «երեխային» փրկելու համար նրանք ստիպված կոտրել են տան դուռը և տանը հայտնաբերել միայն իր վանդակում մենակությունից տառապող մի թութակի, որն անընդհատ կրկնել է «մայիրկ, հայրիկ, օգնեք ինձ» բառերը: