Շատ քչերին է հաջողվում դիմահարդարվելիս սխալներից զերծ մնալ: Հաճախակի կրկնվող սխալներից մեկը երանգների չարաշահումն է:
Եթե դեմքի մաշկը լավ վիճակում է, ապա դիմահարդարման երանգները պետք է թույլ լինեն: Իսկ եթե մաշկը վատ վիճակում է գտնվում, անհրաժեշտ է դիմահարդարման միջոցներով փակել թերությունները եւ ոչ թե ամբողջ դեմքը ծածկել կոսմետիկայով: Բացի այդ շատ կանայք չեն կարողանում ճիշտ ընտրել դիմահարդարման միջոցները: Հասկանալի է, որ որոշ կանայք օգտագործելով մուգ երանգներ, փորձում են թաքցնել մաշկի գունատությունը: Դիմահարդարման մեջ դա սխալ է համարվում: Նման դեպքում դեմքի գույնը տարբերվում է պարանոցի գույնից, ինչը տգեղ է. կարծես թե դեմքը կեխտոտված լինի:
Դիմահարդարման միջոցների երանգները պետք է քիչ տարբերվեն մաշկի բնական գույնից:
