Ամռան թեժ պահին կարելի է ազատվել ավելորդ կիլոգրամներից՝ ամառային դիետայի միջոցով:Այն ժամանակ, երբ մրգերը, հատապտուղները ու բանջարեղեններն ուրախացնում են մեզ իրենց առատությամբ, կարելի է նիհարել մեկ շաբաթվա ընթացքում: Ամառային դիետայով սնվելը շատ հեշտ է ու հաճելի, քանի որ կարելի է ուտել ցանկացած միրգ ու բանջարեղեն եւ միաժամանակ նիհարել:Այս դիետան տեւում է մեկ շաբաթ, որից հետո չի կարելի նորից անցնել ճարպային եւ տապակած սննդի:Ամառային դիետան կօգնի ձեզ սնվել օգտակար ձեւով:Ամառային դիետայի պահանջն այն է, որ ողջ օրվա ընթացքում պետք է սնվել ձեր կողմից ընտրված մրգով կամ բանջարեղենով: Այսպես սնվելով մեկ շաբաթ կարող եք նիհարել 4 կիլոգրամով: Սակայն բացի մրգից ու բանջարեղենից առանձին օրեր պետք է հատկացնել հատապտուղներին, կաթնեղենին եւ հյութերին: Այս ընթացքում պետք է զերծ մնալ համեմունքներից, աղից ու շաքարից: