15000 անվճար էլեկտրոնային գիրք և ամսագիր մեկ ծրագրում
Շարունակելով էլեկտրոնային գրականությանը ձոնված իմ «մատենաշարը», ձեզ եմ ներկայացնում ebooks վարկածով CNet պորտալի աշխարհի չեմպիոն MartView ծրագիրը, որի միջոցով կարող եք բեռնել և կարդալ ինչպես ծրագրի սեփական .mart ֆորմատի, այնպես էլ .pdf ֆորմատի ամսագրեր և գրքեր: Ծրագրի օն-լայն գրադարանում առկա են գրեթե 15000 անվճար ֆայլեր, որոնցից 9000-ն անգլերեն են, 300-ը ռուսերեն, իսկ իմ 5 գրքերն` հայերեն :)
Martview-ն ունի ընթերցման երեք ռեժիմ` թերթվող գիրք, հորիզոնական սլայդ և ուղղահայաց սլայդ, ինչպես նաև էջերի մանրանկարները դիտելու հնարավորություն, որի շնորհիվ կարող եք միանգամից բացել ձեզ հետաքրքրող էջը: Մենյուի «Download e-books» կոճակի միջոցով կարող եք գրքեր բեռնել Martview գրադարանից, իսկ «Upload e-books»-ի միջոցով, հակառակը` ավելացնել ձեր գրքերը ծրագրի կայքում և դրանք անվճար բեռնելու հնարավորություն ընձեռել: Թեև ծրագիրն հնարավորություն է տալիս կարդալ և իր գրադարանում ավելացնել նաև .pdf ֆայլեր, առկա բարդություններից խուսափելու համար ավելի հարմար է «Create e-book» կոճակի միջոցով նախ փոխարկել .pdf ֆայլերը .mart-ի, ապա նոր սկսել դրանց հետ աշխատանքը: Իսկ օն-լայն գրադարանի գրքերն ընթերցելու ընթացքում դրանք կարող եք տեղադրել նաև ձեր facebook-ի կամ Twitter-ի էջերում` օգտվելով համապատասխան կոճակներից: Bookshelf բաժնում կարող եք ստեղծել թղթապանակներ և դասավորել ձեր գրքերն ու ամսագրերն ըստ տարբեր չափանիշների: Ծրագրի ներսում տվյալ գործողությունը կատարելու հետ կապված խնդիրներ կան, այդ պատճառով էլ գրքերը դասավորելու համար կարող եք բացել Martview-ի ստեղծած թղթապանակը (լռելյայն կարգավորումներում այն գտնվում է C:/My e-books հասցեում) և դասավորել գրքերը սովորական ֆայլերի պես:
Թեկուզ Martview-ն իսկապես կարելի է համարել էլեկտրոնային գրքերի ընթերցման համար նախատեսված ամենաթեթև և հասանելի ծրագիրը, ավելի «պրոֆեսիոնալ» ընթերցողները դրանից օգտվելիս կզգան թե էջանշանների, թե նշումների, թե հավանած հատվածները կտրատելու հնարավորությունների պակասը: Դա իհարկե չի նշանակում, որ ծրագիրը չարժե ունենալ ու դարձնել, գոնե, ամսագրեր ընթերցելու համար նախատեսված գործիք: Այն անվճար կարող եք բեռնելԱՅՍՏԵՂԻՑ, իսկ գրադարանում առկա լավագույն գրքերը`սեղմելով «Download e-books» կոճակը և ընտելով հայերեն լեզուն:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
0
hetqrqir chragir e isk vortexic kareli e ajn derq berel